Будда Виста, Бэлла Виста, Зайсан Скүэр, Орчлон-2 сургууль, Жапан Таун…

1780913_691960384180175_1660914091_nБудда Виста, Бэлла Виста, Зайсан Скүэр, Орчлон-2 сургууль, Жапан Таун…

Posted in ШИЛНИЙ ТӨРЛҮҮД | Leave a comment

Шинэ үйлдвэрийн нээлт, харилцагчийн өдөрлөг болж өнгөрлөө

4-р сарын 9-ний өдөр Шилэн Хийцийнхэн шинэ үйлдвэрээ хүндэт харилцагчдынхаа төлөөлөлд танилцуулж, санал бодлоо солилцсон сайхан өдөр болж өнгөрлөө.

Бид сүүлийн 2 жилийн хугацаанд тоног төхөөрөмж, ажилчдын ур чадварыг эрчимтэй сайжруулсны үр дүнд техникийн парк шинэчлэлт 80% хүрч, ахлах шилчин мэргэжилтэй ажилчдын тоо эрс өссөн юм.

Энэ бүх шинэчлэлт, өөрчлөлт, ур чадварын өндөр түвшин нь эргээд харилцагчдад маань ямар үр өгөөж, ач тусаа өгч байгааг өдөрлөгийн үеэр танилцуулсан юм.

Босоо хүлээн авалтын үеэр сугалаа сугалж, харилцагч Түмэнтөр, Нэкст Натур ХХК-ийн захирал Ганбат, Үри Дековил ХХК-ийн захирал Ли Ён Сук, Шилэн Өнгө ХХК-ийн захирал Хөлгүүн нар азтанаар тодорч 500 000₮ хүртэлх үнэ бүхий шилэн бүтээгдэхүүн захиалах эрх хожлоо.  IMG_0216 IMG_0210 IMG_0212 IMG_0214

 

Posted in АРГА ХЭМЖЭЭ | Leave a comment

Бид шинэ шил хатаах зуухтай болж хатаасан шилнийхээ үнийг 20% хямдрууллаа

IMG_6677Шилэн Хийц ХХК Барилга Хот Байгуулалтын Яамны хэрэгжүүлсэн барилгын материалын үйлдвэрлэлийг дэмжих дэд хөтөлбөрийн хүрээний санхүүжилтээр саяхан шинэхэн шил хатаах зуухаа ашиглалтад орууллаа. Уг зуух нь хуучнаа бодвол маш олон давуу талтай шинэ үеийн зуух бөгөөд илүү хямд, чанартай хатаасан шилийг хэрэглэгчдэдээ санал болгох боломжийг бүрдүүлж чадлаа.

Шинэ зуух нь энгийн шилийг долгио, туяа маш багатайгаар чанарын өндөр түвшинд хатаахаас гадна эрчим хүчинд хэмнэлттэй сүүлийн үеийн Low-E шилийг ч дотооддоо хатааж импортын барааг орлохуйц бүтээгдэхүүн үйлдвэрлэж байна.

Шилийг халааж бэхжүүлэн машины шил шиг бат бөх, аюулгүй болгоход өндөр эрчим хүч зарцуулдаг бол энэ зуух нь агаарын конвекцийн аргаар хэрэглэсэн халуун агаараа дахин хэрэглэдгээрээ эрчим хүчний зардлыг бууруулж чаджээ. Мөн хүчин чадал нь хуучнаасаа 4 дахин өндөрсөж цагт 210 мкв шил хатаах чадалтай болсон нь хатаасан шилний өртгийг бууруулахад томоохон алхам болсон байна. Жишээлбэл, 2,20 х 0,8м-тай шилэн хаалганы шилийг хатаахад хуучин зууханд 1 удаа оруулаад 20 минут жигнэдэг байсан бол шинэ зууханд нэг дор 4 хаалганы шил зэрэг ордог болсон нь цаг хугацаа, цалингийн зардлыг бодитоор хэмнэж байгаа юм.

Шилэн Хийц ХХК нь Засгийн Газрын барилгын материалын үнийг тогтвортой барих хөтөлбөрт хамрагдаж үүргээ амжилттай биелүүлж байгаа бөгөөд барилгын шилний үнийг тогтвортой бариад зогсохгүй нэмж хямдруулж байгаа нь барилгын материалын зах зээлд цаг үеэ олсон баяртай мэдээ болно гэдэгт итгэлтэй байна.

Бүх төрлийн шилэн бэлдэц 20%, хүргэлт угсралттай хатаасан хана хаалга зэрэг бүтээгдэхүүн 10% тогтмол хямдарч байна.

Posted in ШИЛНИЙ ТӨРЛҮҮД | Leave a comment

Шүршүүрийн бүх төрлийн хуванцар поддон үйлдвэрийн үнээр

WP_000429Чанарын хувьд маш сайн, ямар нэгэн гэмтэл сэв байхгүй   эдгээр поддонууд орон сууцны барилгын угаалгын өрөөнд зориулан олон тоогоор захиалагдсан бөгөөд үлдэгдэл  шүршүүрийн хуванцар поддоныг хямдралтай үнээр зарж байна.

Плитан шалтай харьцуулахад хальтрахгүй, хайрахгүй, цэвэрлэхэд хялбар зэрэг давуу талтай.

Загвар хамааралгүй 65000 төгрөгөөр худалдаалж байна.

Posted in ШИЛНИЙ ТӨРЛҮҮД | Leave a comment

Манайх Германы хаалга цонхны цоож нугас үйлдвэрлэгч Рото брэндийн албан ёсны үйлдвэрлэгчээр сонгогдлоо

Германы Рото фирм нь вакуум хаалга цонхны чанартай цоож нугас үйлдвэрлэлээр дэлхийн зах зээлд тэргүүлэгч бөгөөд манай компани олон жилийн хамтын ажиллагааны үр дүнд “Certified fabricator” буюу “Албан ёсны үйлдвэрлэгч” гэрчилгээгээ хүлээн авлаа. Рото брэндийн цоож нугас нь ашиглалтын явцад гацах, зэврэх, холхих, унжих, бохирдох эрсдэл багатай, дэлхийн зах зээлд тэргүүлэгч бүтээгдэхүүнүүд байдаг.

 

Posted in АРГА ХЭМЖЭЭ | Leave a comment

10 жилийн ойгоо тохиолдуулан 5-45% хямдрал зарлаж байна.

Шилэн Хийц ХХК үүсгэн байгуулагдсаны 10 жилийн ойг тохиолдуулан бүтээгдэхүүн, үйлчилгээнийхээ үнийг 5-45% бууруулан нийт хэрэглэгчиддээ бэлэг барьж байна!

Posted in АРГА ХЭМЖЭЭ | Leave a comment

Өргөө кинотеатрын шинэ салбар нээгдлээ.

Өргөө кино театрын хамт олонд шинэ салбартай болсонд нь баяр хүргэе! Манайх Өргөө кинотеатрын шинэ салбарын шилэн хана, хаалга, хүлээн авахын шилэн шийдлүүдийг амжилттай гүйцэтгэлээ.

Мөн шинээр хийгдсэн ажлуудын сонин содон шийдлүүдээр зургийн сангаа арвижуулав.

Posted in ШИЛЭН ХИЙЦҮҮД | Leave a comment

Хөгжлийн бэрхшээлтэй хүүхдүүдэд хандив өргөлөө.

Сүжеташанд ТББ нь хөгжлийн бэрхшээлтэй хүүхдүүдийн гэрт очин сурган хүмүүжүүлэх үйл ажиллагаа явуулдаг сайн санааны буяны байгууллага бөгөөд Япон улсын иргэн Кимико Такахами удирддаг. Бид энэхүү сайхан сэтгэлийг үйлсийг дэмжиж 1 сая төгрөгийн хандив өргөлөө.

Posted in АРГА ХЭМЖЭЭ | Leave a comment

Манайх Коммерлингийн албан ёсны үйлдвэрлэгч боллоо.

Шилэн Хийц ХХК нь дэлхийд хуванцар вакуум цонх хаалганы материал үйлдвэрлэлээр тэргүүлэгч Германы Коммерлинг брэндийн албан ёсны үйлдвэрлэгчээр шалгарлаа. Шилэн Хийц ХХК-ийн захирал Д.Гантулга, Коммерлингийн Ази тивийг хариуцсан захирал ноён Баракко Ив-Пиер нар “Хамтын ажиллагааны гэрээ”-нд гарын үсэг зурснаар манай улсын вакуум цонх хаалганы салбарт нэгэн шинэ хуудас бичигдлээ. Коммерлинг нь 100 гаруй жилийн өмнө байгуулагдаж байсан, вакуум цонх хаалганы түүхий эд үйлдвэрлэгч ууган компаниудын нэг бөгөөд өдгөө дэлхийн 21 оронд салбар, төлөөлөгчийн газартай, дэлхийн хуванцар цонх, хаалганы зах зээлийн 20%-ийг хангадаг Profine группт харьяалагддаг нэр хүндтэй компани юм. Тус компанийн Монгол дахь албан ёсны түнш болсноор Монгол орны эрс тэс уур амьсгалд зохицсон, олон жилийн эдэлгээ даах чанартай, дулаан, дуу чимээг сайтар тусгаарлах хуванцар вакуум цонх хаалгыг Европ стандартын дагуу үйлдвэрлэж хэрэглэгч Та бүхэнд санал болгох боломжтой боллоо. Дашрамд дурдахад, Коммерлинг брэндийн материалууд Германд борлуулалтаараа N1-д  жагсдаг юм байна.

Posted in АРГА ХЭМЖЭЭ | Leave a comment

Шилний Герман мэргэжилтэн 1 сарын турш зөвлөгөө өглөө

Герман улсын мэргэжилтэн ноён Питер Шварц Шилэн Хийц ХХК-ийн охин компани болох KWD – ийн вакуум цонх хаалганы үйлдвэр дээр бүтэн сарын турш мэргэжлийн зөвлөгөө өгч, барилгын дулаан алдагдлыг цонхны шилийг сайжруулан бууруулах, шилэн фасад, шилний дулаан алдагдлыг хэрхэн багасгах талаар сургалт явууллаа.

Питер гуай шилний дэлхийн том концернуудын нэг болох Пилкингтон группын шилэн пакетны үйлдвэрт 25 жил ажилласан бөгөөд шилний салбарт нийтдээ 40 жилийн ажлын туршлагатай хүн юм.

Posted in АРГА ХЭМЖЭЭ | Leave a comment